Margrét Anna Einarsdóttir bætist í hóp lögmanna hjá Land lögmönnum

Margrét Anna lauk námi við lagadeild Háskólans í Reykjavík árið 2009 og öðlaðist héraðsdómslögmannsréttindi árið 2010. Síðastliðin sjö ár starfaði hún hjá Jónatansson & Co lögfræðiþjónustu, en þar áður hjá Logos lögmannsþjónustu 2010-2011 og Varnarmálastofnun 2009-2010.
Margrét Anna hefur mikla reynslu af málflutningsstörfum og hefur annast hagsmunagæslu fyrir einstaklinga og fyrirtæki jafnt innlenda sem erlenda aðila við góðan orðstír. Helstu starfssvið hennar eru upplýsingatækniréttur, rafrænar traustþjónustur, persónuvernd, fjármuna- og félagaréttur, evrópuréttur, gjaldþrotaréttur, hjúskaparéttur, erfðaréttur, samningaréttur, verktakaréttur og málflutningur.

Samhliða lögmannsstörfum er Margrét Anna eigandi og framkvæmdastjóri Justikal ehf. og er í stjórn ISIGN á Íslandi, sem eru hugbúnaðarfyrirtæki sem þróa og bjóða upp á lausnir sem tengjast rafrænum undirskriftum og öðrum rafrænum traustþjónustum.

Land lögmenn hafa frá stofnun sinnt almennri lögfræðiráðgjöf og hagsmunagæslu fyrir einstaklinga, fyrirtæki, stofnanir og erlenda aðila. Land lögmenn búa yfir víðtækri þekkingu og reynslu úr fjármálaheiminum og stjórnsýslunni. Margrét Anna bætist því við öflugt teymi Land lögmanna.